హారం పత్రిక నిర్వహించిన సంక్రాంతి పోటీల్లో నా కవితకు ద్వితీయ బహుమతి వచ్చింది. ఈ సందర్భంగా హారం పత్రిక సంపాదకులకు బ్లాగ్ముఖంగా ధన్యవాదములు తెలుకు౦టున్నాను. హారం పత్రిక 'సరాగ' ను ఇక్కడ చూడొచ్చు.
చుక్క పొడిచే వేళకైనా...
మంచుతెరను తొలగించుకొని
భూమిని తాకిందో రవికిరణం!
ఆనందంతో జంటపక్షులు
ప్రభాతగీతం పాడుతున్నాయి!
రోజులానే!!
నిదురలేచిన నందివర్ధనం
మనోహరంగా నవ్వుతోంది!
రెక్కవిచ్చిన మందార౦
సిగ్గురంగును పులుముకుంది!
ఎప్పట్లానే!!
ఎండవేళ ఆవు, దూడకు
వేపచెట్టు గొడుగయ్యింది!
కొమ్మ మీది కోయిలమ్మ
కొత్త రాగం అందుకుంది!
నిన్నటిలానే!!
పెరటిలోని తులసికోట
దిగులేదో పెట్టుకుంది!
పోయ్యిలోని పిల్లికూన
పక్కకైనా జరగనంది!
చెండులోని మల్లెమొగ్గ
పరిమళాలు పంచకుంది!
వీధి గడప ఎవరికోసమో
తొంగి తొంగి చూస్తోంది!
చుక్కపొడిచే వేళకైనా
తలుపు చప్పుడవుతుందా!!
