Thursday, April 25, 2019

పాటషాల

ఈ రోజు ఉదయం కాఫీ లేదు. ఎలా ఉంటుంది? ఫ్రిడ్జ్ లో పాల్లేని విషయం నిన్న సాయంత్రం  అంత ముఖ్యమైనదిగా తోచలేదు మరి. సరే ఆరున్నరకల్లా బయలుదేరి ఏడుగంటల ట్రైన్  లో కూర్చున్నాను. రాత్రి కిక్ ఇంకా దిగలేదు, ఫుల్  హాంగ్ ఓవర్.
"ఏమిటీ ఈ కోణం కూడా ఉందేమిటి" అని అపనమ్మకమూ, ఆశ్చర్యమూ కలిపేసి అలా కోపంగా చూడకండి. సంవత్సరంలో ఈ నెలలో ఎలాంటి మత్తులో ఉంటానో మా వాళ్ళందరకూ తెలుసు.
అర్ధరాత్రుళ్ళు మెయిల్స్, వాట్స్ ఆప్ మెసేజెస్ వెళ్తుంటాయ్ కదా! సిలబస్ మీద పనిచేస్తుంటే నిద్రెలా పడుతుంది మరి! ఇదంతా మాకెందుకు చెప్తున్నట్లు అనుకుంటున్నారా?

నేపథ్యం తెలియకపోతే విషయం పూర్తిగా అర్ధం కాదుగా!

ఇంతలో ఒకావిడ ట్రైన్  ఎక్కి ఖాళీగా ఉన్న సీట్లన్నీ వదిలేసి నా పక్కన వచ్చి కూర్చున్నారు.

"Are you Jyothi?”
"Yeah. Sorry I don't remember you. Did we meet somewhere?"

"పాటషాల"
మత్తు కొంచెం దిగింది. పాఠషాల అయితే. చి, ఛీ    పాఠశాల అయితే నన్ను గుర్తుపట్టాలిగా ఎందుకడుగుతున్నట్లు. అవున్లే పట్టుచీరో, కాటన్ చీరో కట్టుకుని ఇంత కాటుక, బొట్టుతో కనిపించే నేను ఇలా తెల్ల చొక్కా, నల్ల పేంట్, బరువు కళ్ళతో ట్రైన్ లో ఓ మూల కూర్చునుంటే ఎవరు మాత్రం గుర్తు పట్టగలరు? ఎందుకైనా మంచిదని

"Do you speak Telugu?" అడిగాను.
"పాటషాల అంటుంటె"

మత్తుపూర్తిగా దిగింది.  
"ఓ మీ పిల్లలు పాఠశాలలో ఉన్నారా? ఒకటో తరగతా?"
"లేదు నాలుగో తరగతి"
😭

లక్ష్మి గారు ప్రతివారం డిక్టేషన్ లో పాఠశాల, భారతదేశము  ఉండాలని ఎందుకన్నారో అప్పుడర్ధం అయ్యింది.

సమ్మర్ వర్క్ లో ఈసారి శలు, ళలు, ణాలు.. ఇంకా ఫలు, ఠలు, ఢలు...... 😡😡😡