Saturday, April 16, 2016

సరదా సరదాగా....

పండు:  అమ్మాటార్గెట్ కి వెళ్దామా?     
అమ్మ:  ఇప్పుడా చాలా పొద్దుపోయింది పండూ. రేపు వెళ్దాంలే.
పండు : ప్లీజ్ ఇప్పుడే వెళ్దాం. 
అమ్మ:  సర్లే. ఇంతకూ నీకక్కడేం కావాలి?
పండు:  ఇరవై హెర్షీస్  చాక్లెట్స్. 
అమ్మ: అన్ని చాక్లెట్లే! ఎందుకు?
పండు: ఏం కొన్నా అక్కతో షేర్ చేసుకోమని చెప్పావ్ గా. పంతొమ్మిది నాకు. అక్కకొకటి. 

*               *               *                  *                 *               *

నాన్న: పండూ, చాలా ఆలస్యమైంది. పుస్తకం మూసేసి నిద్రపో. 
పండు: నిద్ర రావడంలేదు నాన్నా. నువ్వో కథ చెప్పు.
నాన్న: కథ చెప్పాలానాకు రావే. 
పండు: అన్నీ అబద్దాలు. నీకొచ్చు.
నాన్న: నిజంగా రావు నాన్నా.
పండు: మా మేనేజర్ అస్సలు సెలవు ఇవ్వడంలేదు.  ఏదో ఒక కథ చెప్పి ఈ శుక్రవారం డుమ్మా కొట్టెయ్యాలని అమ్మతో చెప్పడం నేను విన్నాలే.  

*               *               *                  *                 *               * 

నాన్న: పండూ, ఎక్కడకు వెళ్తున్నావు?
పండు: నితిన్ వాళ్ళింటికి నాన్నా.
నాన్న: ఎప్పుడొస్తావు?
పండు: ఏడింటికొస్తాను.
నాన్న: త్వరగా వచ్చెయ్. ఇవాళ డిన్నర్ లజానియా.
పండు: డిన్నర్ కి బయటకు వెళ్తున్నామా?
నాన్న: లేదు నేనే చేస్తున్నా.
పండు: ఎక్స్ పెరిమెంటా?
నాన్న: ఎస్.
పండు: అమ్మ ట్రిప్ నుండి ఎప్పుడు వస్తుంది నాన్నా?
నాన్న: ఇంకో రెండ్రోజుల్లో వచ్చేస్తుంది.
పండు: అప్పటివరకు నితిన్ వాళ్ళమ్మ నన్ను డిన్నర్ వాళ్ళింట్లోనే చేయమన్నారు. 

*               *               *                  *                 *               *

అమ్మ:  పండూ, ఇండియా నుండి అమ్మమ్మ వాళ్ళు వస్తున్నారు.
పండు: ఎప్పుడు?
అమ్మ:  రేపు సమ్మర్లో. నీకేం తేవాలని అడిగారు. ఇంతకీ నీకేం కావలి?
పండు: నాకు జామకాయలు కావాలి.
అమ్మ: ఫ్రూట్స్ ఫ్లైట్ లో తేకూడదు.
పండు: సీషెల్స్.
అమ్మ: అమ్మమ్మ వాళ్ళ ఊరి దగ్గర సముద్రం ఎక్కడుందిసీషెల్స్ కష్టం.
పండు: అక్కడ బుల్లి కోడిపిల్లలు ఉన్నాయ్ గా. అవి తెమ్మను.
అమ్మ: ఎలా తెస్తారుసూట్ కేస్ లో పెడితే చచ్చిపోతాయి.
పండుసూట్కేస్ లో ఎందుకుపట్టుకుని తేవచ్చుగా?
అమ్మ: అలా తెస్తే ఎగిరి పోవూ?
పండు: పిచ్చమ్మా ఎగరడం వాటికేమైనా కొత్తాచక్కగా ఎగురుకుంటూ వచ్చేస్తాయి. 
  
*               *               *                  *                 *               * 

పండు: నాన్నా నాకు కోక్ కావాలి.
నాన్న: కోక్ హెల్త్ కి అస్సలు మంచిది కాదు. నీకు ఎక్కిళ్ళొస్తున్నాయ్ మంచి నీళ్ళు తాగు.
పండు: నీళ్ళు తాగితే ఏమౌతుంది నాన్నా?
నాన్న: ఎక్కిళ్ళు ఆగిపోతాయి.
పండు: ఎన్ని తాగాలి?
నాన్న: ఓ గ్లాస్ తాగు.
పండు: తాగాను....ఇంకా ఆగలేదు.
నాన్న: ఇంకో గ్లాస్ తాగు.
పండు: సరే.... ఇంకా ఆగలేదు నాన్నా.
నాన్న: అవునా. ఆగాలే.
పండు: నీళ్ళు తాగితే ఎక్కిళ్ళు ఆగుతాయని నీకెవరు చెప్పారు నాన్నా?
నాన్న: ఎవరో చెప్పారు, గుర్తు లేదు. 
పండు: ఎప్పుడు చెప్పారు?
నాన్న: గుర్తు లేదు.
పండు: అయితే ఏం చెప్పారో కూడా మర్చిపోయుంటావ్. సరిగ్గా గుర్తు తెచ్చుకో నాన్నా. కోక్ తాగాలని చెప్పుంటారు.    

*               *               *                  *                 *               *

పండు: నాన్నా మనమో ఆట ఆడుకుందామా?
నాన్న: ఆటా సరే. ఏమిటో చెప్పు.
పండు: క్వొశ్చన్స్ అండ్ ఆన్సర్స్.
నాన్న: కొత్త గేమ్... బావుందే. ఇంతకూ ఎవరు అడగాలిఎవరు చెప్పాలి?
పండు: నేనడిగితే నువ్వు చెప్పాలి. నువ్వడిగితే నేను చెప్తాను.  
నాన్న: సరే!
పండు: ముందు నేనడుగుతాను. కాళ్ళతో ఏం చేస్తాం?
నాన్న: నడుస్తాం, పరిగెడతాం. 
పండు: మరి కళ్ళతో?
నాన్న: చూస్తాము. ఇప్పుడు నేనడుగుతాను. చెవులతో ఏం చేస్తాం?
పండు: వింటాం.
నాన్న: మరి ముక్కుతో?
పండు: వాసన చూస్తాం.
నాన్న: చూశావా, మన శరీరంలో అన్ని భాగాలు కూడా ఏదో ఒక ప్రయోజనం కోసమే ఉంటాయి. 
పండు: నాన్నా మరి ఐబ్రోస్ తో ఏం చేస్తాం?
నాన్న: ??

*               *               *                  *                 *               *

వీకెండేగా లాప్ టాప్ లు, ఐపాడ్ లు పక్కన పెట్టి పిల్లలకు ఇలాంటివేవో చదివి వినిపించగలిగితే బావుంటుందనీ...

11 comments:

  1. సో స్వీట్ చాలా బాగున్నాయండీ :-)

    ReplyDelete
  2. చాక్లెట్ల లెక్క బావుంది - లెక్క ఎంత అయినా అక్కతో పంచుకోవాలనే ఆలోచనకి చప్పట్లు.

    నాన్న లజానియా కి చూపించిన డిప్లమసీ నచ్చింది.

    ఐబ్రోస్ సందేహం - ధర్మసందేహమే :)

    ReplyDelete
    Replies
    1. చివరి సందేహం బుజ్జిపండుదేనండి. అక్షరాలు మాత్రమే నావి. :) మనకు జుట్టెందుకు? చేతిలో గీతలెందుకు? కాలికి వేళ్ళెందుకు? ఇలా ఉండేవి ప్రశ్నలు..
      ధన్యవాదాలు లలిత గారు.

      Delete
  3. Chala bagunnayandi , lajaniya ante emito thelupagalaru

    ReplyDelete

వాకిట వేసిన ముగ్గును చూసి గుమ్మం దాటి పలకరించే మీ అభిమానానికి నమస్సుమాంజలి.