Sunday, March 24, 2019

Jamaica - Blue Mountains

జమైకా చరిత్ర తెలుసుకున్నాం. మరి అక్కడ చూడవలసిన ప్రదేశాలు, వింతలు, విశేషాలు చెప్పుకోవద్దూ! 
ముందుగా బ్లూ మౌంటైన్స్ కు వెళదాం. జమైకాలోని పొడవైన, మరియు ఎత్తైన పర్వతశ్రేణులు ఇవి. మెరూన్స్ గురించి చెప్పుకున్నామే వాళ్ళు తప్పించుకుని నివాసం ఏర్పరచుకున్నది ఈ పర్వతశ్రేణులలోనేనట.  అంత ఎత్తుమీద ఎలాంటి వాహనాలు లేని ఆ కాలంలో ఎలా ఇళ్ళు కట్టుకోలిగారో ఊహకు కూడా అందదు. కొండల్లో చాలా ప్రశాంతంగా ఉంది, సరదాగా అక్కడో  ఇల్లు కొనుక్కోవాలనుకునేరు, అక్కడ ఎవరూ ఇల్లు అమ్మరట. కేవలం వారి వారసులకే ఇస్తారట. వంశపారంపర్యంగా ఆ తోటలను సాగు చేసుకుంటూ వారికి కావలసిన కూరగాయలు, పండ్లు అక్కడే పండించుకుంటారట. ఆ కాలంలో వారు 100 సంవత్సరాలకు పైగా బ్రతికేవారట. అక్కడ దొరికే మూలికలు, ఆకుపసరులతో వైద్యం చేసుకునే వారట.

ఇంతకూ ఇక్కడ కాఫీ ప్రపంచ ప్రసిద్ది గాంచిందని అతి ఖరీదైనదని మీకు చెప్పనే లేదు కదూ! చల్లని వాతావరణం, సంవత్సరం పొడవునా పడే వర్షాలు, కొండ వాలు ఇవన్నీ కాఫీ తోటలకు అనువైన అంశాలు. ఇక గింజలు సేకరించడం, ఒలవడం, ఎండపెట్టడం ఇవన్నీ ఏ యంత్రాల సాయం లేకుండా స్వయంగా చేస్తారట.







 ఎత్తైన పర్వతాల శిఖరాలను చుట్టేస్తూ మేఘాలు, చెంగున దూకుతున్న జలపాతాలు, మొక్కల చాటునుండి హఠాత్తుగా ప్రత్యక్షమే అంతలోనే మాయమైపోయే జంతువులు... వీటన్నింటినీ పలకరిస్తూ పర్వతం అంచుల వెంబడే సైకిల్ తొక్కుతూ కిందకు రావడం గొప్ప అనుభూతి. మధ్యలో కాఫీ తోటలు చూస్తూ, అక్కడి చెట్లు, మొక్కల విశేషాలను తెలుసుకుంటూ రావడం మరీ బావుంది.





 





No comments:

Leave your Comment

వాకిట వేసిన ముగ్గును చూసి గుమ్మం దాటి పలకరించే మీ అభిమానానికి నమస్సుమాంజలి.